|
|
|
 |
Yar məni öldürüb, bu hala saladı |
|
|
|
Elə çox yorğunam, çox yorulmuşam,
Qap-qara bulud tək göydə dolmuşam,
Mən diri deyiləm, çoxdan ölmüşəm,
Yar məni öldürüb, bu hala saladı.
Nə bir iz buraxdı, nə nişan məndə,
Nə bir din buraxdı, nə iman məndə,
Nə bir ruj=h buraxdı, nə də can məndə,
Yar məni öldürüb, bu hala saladı.
Dərdimi anlatmam arsız insana,
Var kimi görünən varsız insana,
Anlatmam tək qalan yarsız insana,
Yar məni öldürüb, bu hala saladı.
Cəfakar dünyadan səfa umanlar,
Vəfasız yarından vəfa umanlar,
Səhv edir zəhərdən şəfa umanlar...
Yar məni öldürüb, bu hala saladı.
Gecələr yuxumu yarıda kəsir,
Yuxudan ayıldır, danışmır, susur,
Ruh kimi, yel kimi otaqda əsir,
Yar məni öldürüb, bu hala saladı.
Baş alıb, bir yola çıxıram bəzən,
Gah sağa, gah sola çıxıram bəzən,
Xəyalən qol-qola çıxıram bəzən,
Yar məni öldürüb, bu hala saladı.
27 Oktyabr 2024 - Richmond Hill, Ontario, Canada
Geri qayıt
|
|
 |
|
|
|
|
