|
|
|
 |
Yıxıntı üştünə dünya qurulmaz |
|
|
|
Buz olub əridin, su olub axdın,
Od olub alışdın, yandırıb yaxdın,
Özünə bir dünya qurmaqdan ötrü,
Sən mənim dünyamı başıma yıxdın.
Getdikcə batırsan dərin günaha,
Dəyməz bu naləyə, dəyməz bu aha,
Bu hıyat geriyə dönməz bir daha,
Sən mənim dünyamı başıma yıxdın.
Qurdunmu fikrində olan dünyanı?
Qurdunmu o ruhsuz, yalan dünyanı?
Görürəm ruhunda solan dünyanı,
Sən mənim dünyamı başıma yıxdın.
Hər şeyi tərk edib getdin o gecə,
Yox olub, sən öldün, itdin o gecə,
Özünü çox ucuz satdın o gecə,
Sən mənim dünyamı başıma yıxdın.
Nə günlər yaşadıq, nə günlər gördük,
Biz nələr əkib də, nələri dərdik,
Bu eşqi ayaqlar altına sərdik,
Sən mənim dünyamı başıma yıxdın.
Bulanıq olmadan, sular durulmaz,
Sanma ki, haqsızdan hesab sorulmaz,
Yıxıntı üştünə dünya qurulmaz,
Sən mənim dünyamı başıma yıxdın.
12 October 2024 - North York, Ontario, Canada
Geri qayıt
|
|
 |
|
|
|
|
