Ayətullah Xomeynidən tərcümə
Ləblərin xalına ey yar, giriftar oldum,
Ol xumar gözlərin görmədə bimar oldum.
Haqq mənəm -söyləyərək, uydum, özümdən getdim,
Sankı Mənsur oluban, darı xəridar oldum.
Sevgimin dərdi mənim canıma bir od saldı,
Cana gəldim, elə ki, şöhreye bazar oldum.
Açınız meyxanaları gecə-gündüz bir də,
Ki, bütün məscid ilə mədrəsədən zar oldum.
Zahidin paltarını mən soyunub tərk etdim,
Bənzədim pire xərabatiyə, hüşyar oldum.
Bu şəhərdə məni incitdi öyüdlə zahid,
Əl uzatdım mey içən rində mədədkar oldum.
İzn ver bütkədəni yadə salım bir dəfə də,
Axı mən bütlər əliylə belə bidar oldum.
![](bottombarraback.jpg"){kind=small}
