|
|
|
 |
Gecələr |
|
|
|
Heç zaman kimsədən ummadığın söz,
Ömründə üz-üzə görmədiyin göz,
Həyatda vəslinə yetmədiyin qız,
Vaxt olur yuxuna gəlir gecələr.
Ən qərib insanın bir kəsi vardı,
Hər toyun ardınca bir yası vardı,
Hər şeyin bir sirri, bir pası vardı,
İnsan min xəyala dalır gecələr.
Ümidsiz, çarəsiz qalan analar,
Kədərdən gül üzü solan analar,
Övladı qürbətdə olan analar,
Vay-deyib, saçını yolur gecələr.
Hər axşam günəşin az ömrü bitir,
Elə bil tanrı da göz yumur, yatır,
Şairin harayı göylərə çatır,
Sankı arzular da ölür gecələr.
Geri qayıt
|
|
 |
|
|
|
|
![](bottombarraback.jpg"){kind=small}
